نام ترے

 

image by google

میری چاہت کی 

نازک سی کونپل 

سانسوں کی حدت

ہجر کی مدت

کرتی ہوں میں نام ترے۔۔۔۔۔۔۔۔۔۔               

سوچ کی خوشبو

پیار کی مہک

نینوں کے کنول

دھڑکن کی غزل

کرتی ہوں میں نام ترے۔۔۔۔۔۔۔                

یہ شمس و قمر 

بے کراں امبر 

تاروں کی ضیا

جھرنوں کی صدا

کرتی ہوں میں نام ترے۔۔۔۔۔۔                    

رم جھم بوندیں

کھلتی کلیاں

بھیگا ساون

مہکی گلیاں

کرتی ہوں میں نام ترے۔۔۔۔۔۔             

او میرے پیا

سن یہ التجا

چاہت سے سجا 

یہ نین ذرا 

کردے خود کو نام مرے۔۔۔۔۔۔۔۔۔              

شاعرہ

نیر فہیم خان